Аҟәа. Мшаԥымза 16, 2024 шықәса. Аԥсныпресс. 2024 шықәса I аԥшьбаразы Аԥсны Аҳәынҭқарратә шәарҭадара Амаҵзуреи Аԥсны иҟоу Урыстәылатәи Афедерациа Афедералтә шәарҭадара Амаҵзура Аҳәаахьчаратә Усбарҭеи русзуҩцәа 120-ҩык инареиҳаны ареспублика аҳәаахьчаратә Закәанԥҵара еилазгаз ааныркылеит. Аԥсны Аҳәынҭқарра Административтә еилагарақәа Рзакәанеидкыла ахәҭаҷ 190 «Аҳәаахьчаратә зона аҿы аҳәаахьчаратә режим аилагареи» ахәҭаҷ 1901 «Ареспублика Аԥсны аҳәынҭқарратә ҳәаа арежим аилагареи» ахәҭаҷ 1902 « Ареспублика Аԥсны аҩныҵҟатәи амшынӡқәеи атерриториалтә мшыни рҿы аҳәаахьчаратә режим аилагареи» рзы иаанкылаз атәылауаа административтә ҭакԥхықәра иақәыршәахеит.
«Ареспублика Аԥсны аҳәынҭқарратә ҳәаа изакәанымкәа ахысра» ҳәа Аԥсны Аҳәынҭқарра Ашьаустә Закәанеидкыла ахәҭаҷ 324, ахәҭа 1 иазԥхьагәанаҭо ацәгьоурақәа рзы ашьаусеилыргарақәа 5 хацыркуп.
Иԥхьырҟәҟәаауп еиуеиԥшым азкызаара змоу атауарқәа аԥсны-қырҭтәылатәи аҳәаа изакәанымкәа рахгара азы 10 инареиҳаны аҽазышәарақәа, ирымхуп 100 блок инареиҳаны аҭаҭын аалыҵқәа.
Изакәаным аусура аиҿкаареи анагӡареи иалаху ауаа Аԥсны Аҳәынҭқарра азакәанԥҵара инақәыршәаны азинтә ҭакԥхықәра рақәыршәара иазку ауснагӡатәқәа мҩаԥгоуп.
