Ацҳаражәҳәарҭа аганахьала ахәҭакахьала урыстәылатәи арегиони ареспубликеи рыбжьара еиуеиԥшым аусхкқәа рыла аусеицура адгылара шаҭахо шьақәырӷәӷәан.
08.Ԥхынҷкәын.2022
УРЫСТӘЫЛАТӘИ АФЕДЕРАЦИА АРХАНГЕЛЬТӘИ АОБЛАСТИ АԤСНИ РЕИМАДАРА АРӶӘӶӘАРА ИАДГЫЛОИТ.
Аҟәа. Ԥхынҷкәынмза 8, 2022 шықәса. Аԥсныпресс. Ԥхынҷкәынмза 8 рзы Аԥсны иҟоу Урыстәылатәи Афедерациа Ацҳаражәҳәарҭа аҿы Аԥсны Аҳәынҭқарра аҿы Урыстәыла аусқәа рҿы аамҭалатәи агәрага Максим Литвинови Аԥсны аусуратә визитла иҟоу Архангельтәи аобласт агубернатор актәи ихаҭыԥуаҩ - Агубернатор Иусбарҭеи Анапхгареи реиҳабы Ваге Петросиани реиԥылара мҩаԥысит.
Ацҳаражәҳәарҭа апресс-маҵзура иҟанаҵо адыррақәа рыла, аиԥылара аҿы аганқәа Архангельтәи аобласти Аԥсни аусеицура абжьаҵара аперспективақәа ирылацәажәеит.