IV Жъларбжьаратәи атуристтә форум «VISIT АPSNY» Аҟәа ақалақь аҿы иаатит.

16.окт.2023

размер шрифта уменьшить размер шрифта увеличить размер шрифта
Печать
Эл. почта

Новости

IV Жъларбжьаратәи атуристтә форум «VISIT АPSNY» Аҟәа ақалақь аҿы иаатит.

Аҟәа. Жьҭаарамза 16, 2023 шықәса. Аԥсныпресс. IV Жәларбжьаратәи атуристтә форум «VISIT АPSNY» Аҟәа ақалақь аҿы иаатит.

Афорум апрограммаҿы иҟоуп – атематикатә астол гьежьқәа, амастер-классқәа, аусуратә сессиақәеи апроект ҿыцқәа рӡыргареи.

«Аԥсны атуристцәа Реидгыла» апрезидент, «VISIT АPSNY» аиҿкааҩ Анна Калиагина, афорум абар шьҭа ԥшьышықәсоуп традициала Аҟәа ақалақь аҿы имҩаԥысуеижьҭеи ҳәа иазгәалҭеит.

Афорум «VISIT АPSNY» апрограмма аҳәаақәа ирҭагӡаны, жьҭаарамза 15 рзы акультура-усуратә платформа «ГӘЫМА» аҿы имҩаԥысыз аԥсуа чыс агьамабаратә фестиваль «Аԥсны агьама» аҿы аҭыԥантәи аарыхыҩцәеи афермерцәеи иҭрыжьыз афатә-аалыҵқәа рыдгалара мҩаԥган.

Анна Калиагина лажәақәа рыла, афорум ахықәкы хаданы иҟоу ашықәс зегьы атуристтә аамҭа аҿиара ауп. «Ҳара ҳкықәкы хаданы иҟоу ашықәс зегьы атуристтә аамҭа аҿиара ыҟазарц ауп. Ҳасасцәа зыҩаӡара ҳараку аԥсшьара роурц ҳҭахәуп. Аҵыхәтәантәи ашықәсқәа рзы еиуеиԥшым амаҵзурақәеи аԥсшьарҭатә ҩнқәеи рыҩаӡара шьҭаҳхит. Иҵегь иҟаҳҵаша ыҟоуп. Атуризм аҿиара – ари хадара злоу акомплексттә усуроуп, сара агәра ганы сыҟоуп ари абизнес аҿы иҟоу зегьы ҳфорум рыҽшаладырхәо, адгылара шарҭо»,- ҳәа илҳәеит Анна Калиагина.

Афорум аҳәаақәа ирҭагӡаны иара убас имҩаԥысраны иҟоуп аҭыԥантәи аҭыжьыҩәеи аиқәыршәаҩцәеи раалыҵқәеи ртауарқәеи рмаҵзурақәеи рцәыргақәҵа.

IV Жәларбжьаратәи атуристтә форум «VISIT АPSNY" жьҭаарамза 18 рҟынӡа аус аулоит.