Аҟәа. Жьҭаарамза 17, 2023 шықәса. Аԥсныпресс. Аԥсны Аҳәынҭқарра Ахада Ихаҭыԥуаҩ Бадра Гәынба абазатәи ауаажәларратә усзуҩ Умар Кончеви Черкесстәи арезина иалху аалыҵқәа рзауад адиректор Хада, Черкесск Адума адепутат Карабек Тлиабичеви идикылеит, ҳәа адырра ҟанаҵоит Аԥсны Аҳәынҭқарра Ахада ипресс-маҵзура.
Асасцәа Аҳәынҭқарра Ахада Ихаҭыԥуаҩ ироуз адкыларазы иҭабуп ҳәа иарҳәеит. Урҭ Аԥсны аус ацура, ирылшо ала аиашьаратә аԥсуа жәлар ацхыраара аҭара есымша ишазхиоу азгәарҭеит.
Бадра Гәынба асасцәа рааразы иҭабуп ҳәа раҳәо иазгәеиҭеит: «Аԥсны – ари шәаргьы шәыԥсадгьыл ауп, ахаангьы ишәхамышҭуа, шәгәы иҵхо, есымша ишәылшо ала зыцхыраара шәазхьоу ҳәынҭқарраны иҟоуп. Абазаа аӡәырҩы – аԥсуа қыҭа Ԥсҳәы иалҵыз роуп, урҭи ҳареи ишиашоу шьала-дала ҳаимадоуп».
Аиԥылара ахыркәшамҭаз Бадра Гәынба асасцәа агәаларшәагатә ҳамҭақәа ранеишьеит.
